Aprelin 23-də Heydər Əliyev Sarayında Xalq Artisti, bəstəkar Tofiq Əhmədov 90 illiyinə həsr olunmuş yubiley gecəsi keçiriləcək.
Mədəniyyət və Turizm Nazirliyinin mətbuat xidmətinin rəhbəri Zöhrə Əliyeva Teleqraf.com-a açıqlamasında bildirib ki, gecədə Azərbaycan Televiziya və Radio Verilişləri Səhmdar Cəmiyyətinin estrada-simfonik orkestrinin, tanınmış ifaçıların, musiqiçilərin iştirakı nəzərdə tutulub. Tədbirdə sənətkara həsr olunmuş videokadrlar nümayiş etdiriləcək, Sarayın foyesində Musiqi Mədəniyyəti Dövlət Muzeyi tərəfindən hazırlanmış foto-sərgi nümayiş olunacaq.
Qeyd edək ki, Azərbaycan Respublikası Prezidentinin Sərəncamına əsasən 2014-cü ildə Xalq Artisti, musiqi sənətinin tanınmış nümayəndəsi Tofiq Qəzənfər oğlu Əhmədovun (1934-1981) anadan olmasının 90 illiyinə həsr olunmuş tədbirlərin keçirilməsi planlaşdırılıb. Bu tədbirlər sırasında uşaq musiqi və incəsənət məktəblərində Tofiq Əhmədovun 90 illiyinə həsr olunmuş gecələrin, konsertlərin keçirilməsi də nəzərdə tutulub.
Nərmin