30 Avqust 11:20

Teleqraf.com-un “Ölümqabağı” layihəsinin növbəti qonağı yazar-jurnalist Dilqəm Əhməddir.

Yaxında öləcəyinizi bilsəydiniz:

- …son dəfə nə düşünərdiniz?

- Adım tarixdə qaldımı?..

- …hansı yeməkdən yeyib, hansı içkini içərdiniz?

- Yeməyə vaxt itirməzdim. Deyilənə görə, “o tərəfdə” üzüm bağları var. İnsan nə istəyirsə, o an hazır olur. Amma son kəs qırmızı şərab içərdim.

- …kiminlə görüşmək istəyərdiniz?

- Adını çəkmək istəmədiyim bir qadınla…

- …son kəs kimi öpərdiniz?

- Son dəfə görüşdüyüm qadını.

- …ən dəyərli əşyanızı kimə verib gedərdiniz?

- Dostum Ruslan Rəhimova.

- …nəyi ölümlə dəyişərdiniz?

- Ölümlə dəyişəcək heç bir sərvətim yoxdur.

- …son dəqiqələrinizi necə keçirmək istəyərdiniz?

- Xəzərin sahilində üfüqü izləyərək…

- …o biri dünyada kimi görmək istəyərdiniz?

- Məhəmməd Əmin Rəsulzadəni.

- …kimi özünüzlə aparmaq istəyərdiniz?

- Axır-əvvəl hamı eyni yerə gedəcək. Kim yanıma gəlmək istəyərsə, gözləyərəm.

- Son kəlmələriniz nə olardı?

- Daha bir bahar yaşamaq üçün izn…

- Əzrayıla nə təklif edərdiniz?

- 50 illik məzuniyyət götürməsini.

- Son yazınızın adı nə olardı?

- Uçurumdan bozqıra.

- Allahı görsəydiniz, nə istəyərdiniz?

- Rusiyanın dağılmasını!


Müəllif: Könül Əlibəyli