“Leyli və Məcnun” Rusiyaya gedir

Üzeyir Hacıbəylinin “Leyli və Məcnun” operası Rusiyada nümayiş olunacaq.

Teleqraf.com xəbər verir ki, tamaşa oktyabrın 16-da “Crocus city hall”da göstəriləcək.

Operada Məcnun obrazını xalq artisti Mənsum İbrahimov, Leylini isə Arzu Əliyeva canlandıracaq. Operanın quruluşçu rejissoru Azərbaycanın əməkdar incəsənət xadimi Hafiz Quliyev, quruluşçu rəssamı Rafiz İsmayılov, baletmeysteri Yuliana Əlikişizadədir.

Qeyd edək ki, “Leyli və Məcnun” Rusiyada ilk dəfə nümayiş olunacaq.

Tədbirin təşkilatçısı Azərbaycan Mədəniyyət Studiyasıdır.