Manikenlər kraliçasının qalmaqallı həyatı - Foto

Türkiyənin Yeşilçam filmlərinin əsas aktrisalarından olan, manikenlər kraliçası, model Bahar Erdənizin qalmaqallı həyat və yaradıcılığı olub.

Teleqraf.com xəbər verir ki, Bahar Erdəniz 17 may 1950-ci ildə İstanbulda anadan olub. O, ilk təhsilini Amerika Qız Qollecində alıb.

21 yaşında mühəndis Yalçın Erdənizlə evlənərək İsveçə gedib. Orada 1 il psixologiya fənnindən dərs deyib. Türkiyəyə qayıtdıqdan sonra ərindən boşanıb və manikenlik kursuna yazılıb.

Daha sonra LCC (Language and Culture Centre) və "Günaydın" qəzetinin birlikdə təşkil etdiyi "manikenlər kraliçası" müsabiqəsinə qatılaraq 1971-ci ildə "manikenlər kraliçası" adına layiq görülüb.

Elə həmin il “Afacan Küçük Serseri” filminə çəkilib. Bir neçə filmə çəkildikdən sonra "Fənərbahxça"nın futbolçusu Engin Verəl ilə evlənərək Fransaya köçüb. Cütlüyün Can Verəl adlı oğlu var. Can Verəl hazırda "Sən Anlat Karadəniz" filmində doktor Volkan rolunu canlandırır.

Bir dönəmlər Bahar Erdəniz və Engin Verəlin barəsində qəzetlərdə "Vur Engin Vur!" başlıqlı yazılar dərc edildi. Səbəb Enginin həyat yoldaşına söz atmış iki kişini təkbaşına döyməsi idi. Futbolçu restoranların birində həyat yoldaşına söz atan kişiləri yaxşıca əzişdirmişdi. Onun bu hərəkəti ictimaiyyət tərəfindən təqdir olunmuşdu.