Azərbaycanda şairlər günü keçiriləcək

İyunun 5-də Azərbaycan Yazıçılar Birliyinin təşkilatçılığı ilə “Şairlər günü” keçiriləcək.

1999-cu ildə UNESCO-nun XXX sessiyasında hər il martın 21-ni Dünya Poeziya Günü kimi qeyd etmək barədə qərar qəbul olunub.

Azərbaycanda martın 21-i Novruz bayramına təsadüf etdiyindən bizdə “Şairlər günü”nün iyunun 5-də - görkəmli şair Mikayıl Müşfiqin anadan olduğu gün keçirilməsi qərara alınıb.

Artıq dördüncü ildir ki, Azərbaycanda “Şairlər günü” qeyd edilir.

AzərTAc