Türkiyədə dövlət çevrilişi cəhdinə qarşı etiraz mitinqləri keçirilir

İstanbul, İzmir və Ankara şəhərlərində Türkiyədə iyulun 15-də baş verən dövlət çevrilişi cəhdinə qarşı yüz minlərlə vətəndaş etiraz mitinqləri keçirir.

Türkiyə vətəndaşları qiyamçıların hərəkətlərini kəskin şəkildə pisləyir, onları Vətənə xəyanətdə ittiham edirlər. Vətən uğrunda canlarından keçməyə hər an hazır olduqlarını bildirən mitinq iştirakçıları dövlət çevrilişi cəhdini lənətləyir, Türkiyədə demokratiyanın qalib gəldiyini, xainlərin heç vaxt niyyətlərinə çatmayacaqlarını bildirirlər.