20 İyul 2016 01:12
509
12 Punto 14 Punto 16 Punto 18 Punto

ABŞ prezidenti Barak Obama və Türkiyə prezidenti Rəcəb Tayyib Ərdoğan çərşənbə axşamı telefon danışı zamanı Ankaranın ekstradisiya etmək istədiyi Fəthullah Gülən ətrafındaki vəziyyəti müzakirə ediblər.

Trend-in RİA Novosti agentliyinə istinadən verdiyi məlumata görə, bunu Ağ evin mətbuat katibi Coş Ernest bildirib.

Onun sözlərinə görə, liderlər ABŞ-da yaşayan Gülənin statusunu müzakirə ediblər: "Türkiyə hökuməti ABŞ hökumətinə elektron şəkildə Gülənin statusuna dair materiallar təqdim edib. Dövlət departamenti və ədliyyə nazirliyi ekstradisiya haqqında sazişə uyğun olaraq bu materiallarla tanış olacaqlar", - Ernest bildirib.


Müəllif: