31 İyul 2016 17:11
484
12 Punto 14 Punto 16 Punto 18 Punto

Yerevanda polis hissəsinin binasını ələ keçirmiş silahlı qrupun bir üzvü yaralanıb.

Bu barədə Trend Ermənistan KİV-lərinə istinadən xəbər verir.

Həmçinin bildirilir ki, silahlı qrupun iki üzvü təslim olub.

Qeyd edək ki, bir qrup silahlı şəxs tərəfindən Yerevanda Daxili Qoşunların və polisin binasının ələ keçirilməsi zamanı bir polis əməkdaşı ölüb, ikisi isə yaralanıb.

Ermənistan Milli Təhlükəsizlik Xidmətinin bəyanatda deyilir: “Yerevanda iyulun 17-si səhər saatlarında polis post-patrul xidmətinin alayına hücum təşkil edilib. Alayın ərazisində olanlar girov götürülüb”.

Bundan əvvəl bildirilirdi ki, silahlı qrup radikal müxalif “Yeni Ermənistan” İctimai xilac cəbhəsinin lideri Jirayr Sefilyanın azadlığa buraxılmasını tələb edir.

Bölmə istiqamətində olan bütün ətraf ərazilər mühasirəyə alınıb. Əraziyə daxili qoşunlar, polis qüvvələri, o cümlədən zirehli texnika gətirilib. Jurnalistlər mühasirəyə alınmış əraziyə girişinə icazə verilmir. Polis heç bir şərh vermir, rəsmi bəyanatı gözləməyə çağırır.

Hər iki tərəfdən yaralıların olduğu bildirilir.


Müəllif: