Polislər qəzaya düşdü: 2 ölü, 19 yaralı

Türkiyədə polis əməkdaşlarını aparan avtobus qarşıdan gələn nəqliyyat vasitəsilə toqquşub.

Teleqraf.com Türkiyə mətbuatına istinadən xəbər verir ki, hadisə Diyarbəkirin Sur bölgəsində qeydə alınıb.

Nəqliyyat vasitələrinin toqquşması nəticəsində 2 nəfər ölüb, 19 nəfər xəsarət alıb. Yaralılardan 9-nun polis olduğu bildirilir.

Məlumata görə, polis əməkdaşları əməliyyatdan qayıdan zaman qəzaya düşüblər.