Tramp köməkçilərindən xahiş etdi ki... - Putinlə görüş öncəsi

ABŞ Prezidenti Donald Tramp rusiyalı həmkarı Vladimir Putinlə görüşə günlər qalmış köməkçilərinə müraciət edib.

Teleqraf.com xəbər verir ki, bununla bağlı "Qardian" nəşri iki sabiq amerikalı diplomata istinadla məlumat yayıb.

Tramp köməkçilərindən Rusiyaya bəzi güzəştlər gedilməsi ətrafında fikirləşməyi xahiş edib. O, bu güzəştlərin Putinlə görüşdə açıqlanmasını istəyib.

Məlumatlara görə, 7-8 iyulda Hamburqda keçiriləcək G-20 liderlərinin sammiti çərçivəsində görüşü planlaşdırılan Tramp və Putin iki diplomatik kompleksin bərpasını müzakirə edəcəklər. Bu komplekslər eks-prezidenti Barak Obama tərəfindən anti-Rusiya sanksiyaları çərçivəsində 2016-cı ilin dekabrında ləğv edilmişdi.

Nəşr Trampın bunun qarşılığında rusiyalı həmkarından nə istəyəcəyi açıqlanmır.