İlham Əliyevin nazir tələbəsi: “Prezident olacağını bilsəydik...” - Video

Mən Azərbaycan Prezidenti İlham Əliyevin tələbəsi olmuşam. Cənab Əliyev hələ prezident olmamışdan əvvəl bizim qrupumuzda beynəlxalq münasibətlərin tarixi üzrə seminar aparırdı. Onun keçmiş tələbələri kimi biz indi də görüşəndə bunu yada salırıq.

Teleqraf.com xəbər verir ki, bu sözləri Rusiyanın Mədəniyyət naziri Vladimir Medinski “Moskva-Bakı” nəşrinə müsahibəsində deyib.

“Əgər İlham Əliyevin Azərbaycan prezidenti olacağını bilsəydik, onun dediklərinə daha diqqətlə qulaq asardıq. Amma sovet illərində bunu təsəvvür etmək mümkün deyildi. Dəqiq deyə bilərəm ki, professor Əliyev heç vaxt tələbələrini incitmirdi, həmişə onlarla mehriban davranırdı”, - deyə Vladimir Medinski qeyd edib.