Rəsmi Bağdad bir müddət öncə referendum keçirərək özünü müstəqil elan etmiş İraq Kürd Muxtariyyətini PKK terror təşkilatına dəstək verməkdə ittiham edib.
Teleqraf.com xəbər verir ki, kürdlərin Kərkükdə PKK terrorçularının, o cümlədən Abdullah Öcalanın şəkilləri ilə küçələri gəzməsi İraq hökumətinin narazılığına səbəb olub.
"PKK-nın Kərkükdəki varlığı müharibə elanıdır", deyə rəsmi Bağdadın açıqlamasında qeyd olunur.
İraq Kürd Muxtariyyəti isə Kərkükdə PKK silahlılarının olmadığını, ittihamların heç bir əsasa söykənmədiyini bəyan edib.