Gürcüstanın eks-prezidenti, Odessa vilayətinin sabiq qubernatoru Mixail Saakaşvilinin tərəfdarları Ukraynada hərbi çevriliş hazırlayır.
Teleqraf.com xarici mediaya istinadla xəbər verir ki, bu sözləri Ukraynanın Baş prokuroru Yuri Lutsenko deyib.
O bildirib ki, Saakaşvili tərəfdarlarının bu istəyi ürəyində qalacaq və Kiyev rəhbərliyi buna heç vaxt imkan verməyəcək:
“Azad toplaşmaq haqqında qanun hərbi çevriliş hazırlamağa əsas vermir. Onlar silah gücünə çevriliş etmək istəyirlər. Qətiyyətlə bildirirəm ki, siz bunu bacarmayacaqsız”.
Qeyd edək ki, Saakaşvilinin tərəfdarları oktyabrın 17-dən etibarən Ali Rada önündə etiraz aksiyalarına başlayıb. Onlar deputatların toxunulmazlığının ləğvini, anti-korrupsiya məhkəməsinin yaradılmasını və seçki qanununda dəyişiklik edilməsini tələb edirlər.