13 Noyabr 23:00
96

ABŞ liderliyində qurulan anti-İŞİD koalisiyası Suriya və İraqda 2 mindən çox qadın, uşaq daxil olmaqla ümumilikdə 6-9 min mülki insan öldürüb.

Teleqraf.com xəbər verir ki, bu barədə Airvars Müşahidə Təşkilatının hesabatında qeyd edilib.

Hesabata görə, ABŞ-ın liderlik etdiyi koalisiyanın İŞİD-ə qarşı əməliyyatlar zamanı ağır silah və hava hücumları təşkil etməsi nəticəsində 6 mindən çox dinc sakin ölüb.

Təşkilat yerli mənbələrin 2014-cü ilin avqustundan 2017-ci ilin noyabrına qədər koalisiyanın 2341 hücumu zamanı 16-24 min arası mülki insanın ölməsi haqqında iddialar irəli sürdüyünü, lakin bu iddiaların sübut edilməsinin çətin olduğunu qeyd edib.

Hesabata görə, anti-İŞİD koalisiyası son 3 ildə mülki insanların ölümü ilə nəticələn 2341 hücum əməliyyatı həyata keçirib. 706 hücum zamanı mülki insanlar ölüb.


Müəllif: Cavad