Çin Arxiv İdarəsi: Yapon əsgərləri çinliləri belə yeyib... – Sənədlər

Çin Arxiv İdarəsinin açıqladığı sənədlərdə II Dünya müharibəsi zamanı insan ətindən qida kimi istifadə edildiyi iddia olunur.

Teleqraf.com xarici mediaya istinadla xəbər verir ki, sənədlərdə qorxunc və qəddar hadisələrdən bəhs edilir.

2015-ci ildə ictimaiyyətə təqdim olunmuş arxiv sənədlərinə əsasən, müharibə cinayətində ittiham olunan Kunihiro Nakao adlı şəxs İkinci Dünya müharibəsi zamanı çinli mülki insanları bişirib yediklərini boynuna alıb.

1921-ci ildə Yaponiyada doğulmuş Nakaonun etiraflarında yapon qarışığı olan 20-22 yaşlı iki şəxsi qəddarlıqla öldürdükləri qeyd edilir. Etirafa görə, çinlilərdən birinin başı qılıncla kəsildiyi halda digərinin bədəninə dəfələrlə süngü zərbələri endirilib.

1940-cı ilin oktyabr-noyabr ayları arasında silah atışı təlimi zamanı çinlilərdən canlı hədəf kimi istifadə edilib. 3 çinli bu səbəbdən öldürülüb.

Nakao digər etirafında qeyd edib ki, öldürdükləri şəxslərdən birinin ətini donuz, toyuq, balıq və göy-göyərti ilə bişirdikdən sonra 40 nəfərlik qrupun naharına verilib.

Onun sözlərinə görə, 1941-ci ildən 1945-ci ilin mayına qədər 25 çinli qadına 30 dəfə, 12 koreyalıya isə 14 dəfə təcavüz ediblər.

Qeyd edək ki, Arxiv İdarəsi əlyazma olan sənədləri yapon dilindəki orijinalı ilə yanaşı, ingilis və Çin dilinə çevirərək yaymaqda davam edir.

Yaponiya isə bu faktları rədd edir, Çinin üzr istəməli olduğunu bildirir.