8 Avqust 2014 15:49

Ermənistan müdafiə nazirinin birinci müavini David Tonoyan ABŞ-a gedib.

Teleqraf.com “Armenia Today”ə istinadən xəbər verir ki, D.Tonoyan ABŞ müdafiə katibinin müavini Evelin Farkas və dövlət katibinin müavinləri Qreq Kausner və Erik Rubinlə görüşüb.

Görüş zamanı Ermənistan-ABŞ hərbi əməkdaşlığı, həmçinin qarşılıqlı maraq doğuran digər məsələlər müzakirə olunub. Bundan əlavə, Ermənistan-Azərbaycan qoşunlarının təmas xəttində – cəbhə xəttindəki vəziyyətə toxunulub. Tərəflər vəziyyəti sabitləşdirməyin, Minsk Qrupu çərçivəsində danışıqlar prosesini davam etdirməyin vacibliyini vurğulayıblar.

D.Tonoyan bundan əlavə, erməni-amerikan lobbist təşkilatı – “Ay dat” və Amerika Erməni Milli Assambleyasında görüşlər keçirib. “Ay dat” təşkilatının direktoru Aram Amparyan və Amerika Erməni Milli Assambleyasının icraçı direktoru Brayan Arduni ilə görüşündə də münaqişənin nizamlanması məsələsi müzakirə olunub.

Səxavət


Müəllif:
Загрузка...