Aktrisa Trampı məhkəməyə verdi

Amerikalı pornoaktrisa Stormi Daniels “Tvitter”də paylaşımına görə ABŞ prezidenti Donald Trampı məhkəməyə verib.

Teleqraf.com xəbər verir ki, bu barədə BBC məlumat yayıb.

Əsl adı Stefani Kliford olan pornoaktrisa Las Veqasda, avtomobillərin duracaq yerində naməlum bir kişinin ona yaxınlaşaraq Trampla cinsi əlaqədə olması ilə bağlı ittihamlara son qoymasını tələb etdiyini və hədə-qorxu gəldiyini bildirmişdi.

Bu bəyanata cavab olaraq Tramp öz “Tvitter” səhifəsində,həmin şəxsin hadisədən bir il sonra tərtib olunan eskizini paylaşaraq, bunun bir fırıldaq olduğunu və eskizdəki şəxsin daha çox Danielsin məhbus həyatı yaşamış keçmiş sevgilisinə bənzədiyinə eyham vurmuşdu.

Daniels Trampın bu paylaşımına görə, böhtan ittihamı ilə məhkəməyə şikayət edib.

Qeyd edək ki, pornoaktrisa əmin edir ki, 2006-cı ildə Trampla intim əlaqədə olub və onun vəkili Danielsin bu barədə susması müqabilində ona 130 min dollar pul ödəyib.

ABŞ prezidenti Donald Tramp bu ittihamları qəti şəkildə rədd edir.