29 Aprel 2014 16:57

Ermənistanda Respublika partiyasının parlament fraksiyasının başçısı Qalust Saakyan səs çoxluluğu ilə Milli Məclisin yeni sədri seçilib.

Ermənistanda hakim partiyanın namizədi parlamentinin spikeri seçilib.

Teleqraf.com erməni mətbuatına istinadən bildirir ki, Respublika partiyasının parlament fraksiyasının başçısı Qalust Saakyan səs çoxluluğu ilə Milli Məclisin yeni sədri seçilib. Onun namizədliyinə 106 deputatdan 101-i səs verib. Digər yerdə qalan 5 səsdən 3-ü müxalif partiyanın namizədinə verilib, 2 səs isə etibarsız sayılıb.

Xatırladaq ki, Ermənistan Parlamentinin əvvəlki spikeri Ovik Abramyan olub. O, aprel ayının 13-də Ermənistanın yeni baş naziri postuna təyin edilib.


Müəllif: Teleqraf.com