Ukrayna yeni konstitusiya qəbul edir

Ukrayna parlamenti mayın 25-dək yeni konstitusiyanın mətnini təsdiqləyəcək.

Teleqraf.com Ukrayna mətbuatına istinadən bildirir ki, bunu Ukrayna baş naziri Arseniy Yatsenyuk Ali Radada çıxışı zamanı deyib.

"Konstitusinın yeni mətni mayın 25-dək imzalanıb təsdiqlənəcək. Buna görə də onu Venesiya Komissiyasına və Ukrayna Konstitusiya Məhkəməsinə göndərmək lazımdır. Bu sənədi mayın 25-ə dək imzalamaq lazımdır ki, hər bir vətəndaş yeni prezidentin səlahiyyətləri barədə məlumatlı olsun", - deyə o qeyd edib.

A.Yatsenyuk həmçinin siyasi qüvvələri yeni konstitusiyaya səs verməyə çağırıb.