Həsən Ruhaninin xatirələri rekord vurdu

27-ci Tehran Beynəlxaq Kitab Yarmarkasında iki gün ərzində İranın prezidenti Həsən Ruhaninin xatirələrini yazdığı kitabı rekord səviyyədə satılıb.

Yarmarkanın başlamasından iki gün sonra artıq kitabın bütün nüsxələri satılıb qurtarıb. Onun “Beynəlxalq təhlükəsizlik” və “Nüvə siyasəti” kitabları da oxucuların böyük marağına səbəb olub.

Qeyd edək ki, 27-ci Tehran Beynəlxaq Kitab Yarmarkasında İngiltərədən bir, Almaniyadan isə iki nəşriyyat iştirak edir. Ən çox nəşriyyatı iştirak edən ölkələr isə Türkiyə, Rusiya, Çin, Əfqanıstan, Yaponiyadır.