Avstraliyada iri ticarət mərkəzində baş vermiş partlayış yanğına və ağır fəsadlara səbəb olub. Belə ki, Pert şəhərində ticarət mərkəzində baş vermiş partlayış nəticəsində 1 nəfər ölüb, azı 9 nəfər xəsarət alıb.
Teleqraf.com-un "Gazeta.ru”-ya istinadən məlumatına görə, yaralılardan üçünün vəziyyətinin ağır olduğu bildirilir.
İlkin mülahizələrə görə, ticarət mərkəzində transformatorun partladığı ehtimal olunur. Partlayışdan sonra yanğın başlayıb. Yanğının söndürülməsinə 10 yanğınsöndürmə briqadası cəlb edilib.