Qondarma “Luqansk Xalq Respublikası”nın rəhbərliyi şəhər ərazisində ABŞ və Avropa ölkələrinə məxsus restoran və kafelərin fəaliyyətinə qadağa qoyub.
Eyni zamanda, Pepsi-Cola, Coca-Cola və McDonalds’s kimi xarici şirkətlərdən, Luqansk ərazisində fəaliyyəti dərhal dayandırmağı tələb olunub. Bu xəbərdarlıq şəhərin əsas küçələrində, binaların divarlarına, eyni zamanda fastfood restoran və kafelərin şüşələrinə yapışdırılıb. Xəbərdarlıqda bildirilir:
“McDonalds’s Luqansk ərazisində fəaliyyətini dərhal dayandırmalıdır. Əks halda, biz müştəri və əməkdaşlara ziyan vurmadan, McDonalds’s – ın binasını məhv edəcəyik. Narahatçılığa görə üzr istəyirik. Nəzakətli Luqansk sakinləri”
Bundan öncə, "Luqansk Xalq Respublikası" ABŞ və AB-yə qarşı "sanksiyaların" tətbiq etməsi ilə bağlı bəyanat yayıb.
Ülviyyə