Yunanıstanın kredit reytingi aşağı salındı

Standard&Poor’s agentliyi Yunanıstanın kredit reytinqini B dərəcəsindən B- dərəcəsinə saldı.

Teleqraf.com-un məlumatına görə, buna səbəb ölkənin bank sektorunda müşahidə olunan likvidlik problemidir.

Agentliyin bəyanatında göstərilir ki, limitli likvidlik yunan banklarına və milli iqtisadiyyata problemlər yaradır, yeni hökumətin isə maliyyə proqramı ilə bağlı beynəlxalq kreditorlarla razılığa gəlməsi üçün vaxtın az olduğu göstərilir.