12 Fevral 2015 23:57

Ukrayna Prezidenti Pyotr Poroşenko Minsk razılaşması ilə bağlı verdiyi növbəti açıqlamasında heç bir şərti qəbul etmədiklərini, heç bir ultimatuma boyun əymədiklərini deyib.

Axar.az xəbər verir ki, Poroşenko müzakirələrin çox çətin keçdiyini qeyd edib:

“Bu, asan bir proses olmadı. Bizə qarşı çox fərqli və qəbuledilməz şərtlər səsləndirildi. Ancaq biz heç bir şərtlə razılaşmadıq. Məqsədimiz atəşkəsin şərtsiz təmin edilməsi idi. Mən Təmas qrupunun müqaviləni sıx müzakirələr və böyük bir gərginlik altında imzaladığını söyləyə bilərəm. Burada ən böyük uğur hər hansı bir şərt olmadan atəşkəsin 15 fevral 00:00-dan etibarən qəbul edilməsi oldu”.

Qarşılıqlı olaraq bütün əsirlərin 19 gün ərzində sərbəst buraxılacağını deyən Kiyev rəhbəri ağır artilleriyanın 14 gün ərzində geri çəkiləcəyini də açıqlayıb:

“Bütün əsirlər və girovlar 19 gün ərzində azadlığa qovuşacaq. Ağır silahların geri çəkilməsi isə 14 günə reallaşacaq. Muzdlu döyüşçülərin ölkədən çıxarılması ilə bağlı da razılıq əldə olundu. Bütün muzdlu əsgərlər Ukraynadan çıxarılacaq”.


Müəllif: