Ermənistandakı 102-ci hərbi bazanın komandiri dəyişdirilir

Rusiyanın Ermənistandakı 102-ci hərbi bazasının komandiri Andrey Rudzinski vəzifəsini tərk edəcək.

Trend-in Ermənistan KİV-ə istinadən verdiyi məlumata görə, Avetisyan ailəsinin qətlə yetirildiyi dövrdə həbrçilərlə konsultasiyaya cavabdeh olan psixoloq da işdən azad ediləcək.

Qeyd edək ki, 102-ci hərbi bazanın əsgəri Valeri Permyakov yanvarın 12-də erməni ailənin 6 üzvünü qətlə yetirmişdi. Ailənin altıaylıq üzvü isə bir neçə gündən sonra xəstəxanada ölmüşdü.