Ukraynanın cənub-şərqində münaqişənin nizamlanması üzrə təmas qrupu son günlər ərzində Donbasda gərginliyin azaldığını qeyd edib.
Teleqraf.com-un “Rosbalt”-a istinadən məlumatına görə, bu barədə fevralın 25-də keçirilən videokonfransda deyilib.
“Təmas qrupunun üzvləri, həmçinin, ağır artilleriyadan atışma hallarının azaldığını qeyd edib. Sabah işlərimizi davam etdirəcəyik”, deyə rəsmi Kiyevi qrupun iclasında təmsil edən Ukraynanın eks-prezidenti Leonid Kuçmanın köməkçisi bildirib.
Qeyd olunur ki, bu, təmas qrupunun 12 fevral Minsk danışıqlarından sonra videokonfrans formatında keçirilən sayca ikinci görüşüdür. İlk müzakirələr fevralın 17-də baş tutmuşdu.