1 Mart 2015 07:04

ATƏT-in Ukraynada xüsusi monitorinq missiyası Donetsk aeroportunda 10 ukraynalı hərbçinin meyitinin aşkarlandığını bildirib.

“Monitorinq missiyası Donetsk aeroportunda olub. DXR (“Donetsk Xalq Respublikası”) qüvvələrinin komandiri aeroportun ərazisində 10 ukraynalı hərbçinin meyitinin aşkarlandığını qeyd edib.

DXR nümayəndələri üzərində Ukrayna ordusuna məxsus fərqlənmə nişanları olan hərbi geyimli 2 əsgərin meyitini və içərisində Ukrayna əsgərlərinin meyitlərinin qalıqları olan kisələri missiya üzvlərinə nümayiş etdiriblər”. Teleqraf.com-un “RİA Novosti”yə istinadən məlumatına görə, bu barədə ATƏT-in mətbuat xidməti informasiya yayıb.

Müşahidəçilərin sözlərinə görə, separatçıların rəhbərliyi meyitləri morqa yerləşdirmək sonra isə Ukrayna ordusunun nümayəndələrinə təhvil vermək niyyətində olduğunu bildirib.


Müəllif: