12 Mart 2015 11:17

Ağır maliyyə vəziyyətində olan Yunanıstan hökuməti İkinci Dünya Müharibəsi ilə əlaqədar Almaniyadan milyardlarla avro məbləğində təzminat tələb edir.

Teleqraf.com BBC-ə istinadən xəbər verir ki, yunan hökuməti ölkədə Almaniyaya məxsus mülkiyyəti müsadirə etməklə hədələyib.

Ədliyyə naziri Nikos Paraskevopulos müharibə zamanı öldürülən 218 nəfərin qohumlarına kompensasiya ödənilməsini tələb edən Ali Məhkəmənin 2000-ci il tarixli qərarını imzalamağa hazır olduğunu bəyan edib.

Kansler Angela Merkelin nümayəndəsi Steffen Seibert çərşənbə günü bəyan edib ki, Almaniya təzminat məsələsinin hüquqi və siyasi baxımdan həll olunduğuna qəti əmindir: “Biz diqqətimizi cari problemlər üzərində cəmləşdirməliyik”.

Qeyd edək ki, Ali Məhkəmənin qərarına əsasən, Almaniya öldürülən şəxslərin qohumlarına 28 milyon avro ödəməlidir.

Samir


Müəllif: