26 Mart 2015 14:24
1 394
12 Punto 14 Punto 16 Punto 18 Punto

Ukrayna prezidenti Pyotr Poroşenko ölkəsinin ABŞ - dan satın aldığı “HMMWV” markalı hərbi avtomobillərin ilk seriyasına baxış keçirib.

Publika.az xəbər verir ki, Ukraynaya gətirilmiş ilk 10 avtomobilin texniki göstəriciləri ilə “Borispol” aeroportunda yaxından tanış olan prezident maşınlardan razı qalıb. Pyotr Poroşenko zirehli avtomobillərdən birinə əyləşərək, onu əyani şəkildə sınaqdan keçirib və nəqliyyat vasitəsinin keyfiyyət göstəricisinə əmin olmaq üçün maşını şəxsən özü sürüb.

Prezident daha sonra hərbçilərlə söhbət edib. “HMMWV” markalı hərbi avtomobillər zirehli olduğundan güllə keçirmir. Onlar rabitə vasitələri ilə təmin ediliblər. Hərbi profilli maşınlara quraşdırılmış radar sistemi onları torpağın altında gizlədilmiş minalardan və düşmənin artilleriya mövqelərindən xəbərdar edir.


Gecəgörmə cihazları ilə təchiz olunmuş avtomobillərin qiyməti 75 milyon dollardır. Qeyd edək ki, Ukrayna ABŞ-dan ümumilikdə “HMMWV” markalı 230 hərbi avtomobil alıb.


Müəllif: