Braziliyada dünya çempionatına start verildiyi gün Rio-de-Janeyronun aeroportlarında tətil başlayıb.
Bu barədə "İnterfaks" agentliyi Globo Esporte-yə istinadən xəbər yayıb.
Tətili ölkə əhalisinin sayına görə ikinci böyük şəhərin 3 aeroportunun əməkdaşları təşkil ediblər. İşçilər maaşların 5, 6 faiz artırılmasını tələb edirlər.
Bildirilir ki, tətil natamam xarakter daşıyacaq. Belə ki, hər 3 aeroportdan biri işlərin adi həcminin 80 faizini yerinə yetirəcək.
Bundan əvvəl ölkənin ən iri şəhəri San-Pauluda eyni tələblə metropoliten işçiləri tətil etmişdilər.
Futbol üzrə DÇ-2014 iyunun 12-də axşam başlayır. İlk oyun Xorvatiya və Braziliya yığma komandaları arasında keçiriləcək.
Nihad