11 İyul 2014 10:49

İran İraq ordusuna İŞİD-lə mübarizə aparmaq üçün 3 ədəd Rusiya istehsalı olan Su-25 bombardmançı təyyarə göndərib.



Bu barədə New York Times qəzeti ABŞ və İraq hökumətindəki mənbələrinə istinadən xəbər verir.

İraq ordusunun artıq bu təyyarələrlə ölkənin şimal-şərqindəki Ramadi, Fəllucə, Bayci şəhərlərində olan İŞİD-in mövqelərini bombardman etdiyi bilirilir. Bombardman zamanı təyyarəlrdən birinin pilotunun iranlı olduğu bildirilir. Bombardmançı təyyarələr Bağdadda “Rəşid” aviabazasına yerləşdirilib.

Qəzetin yazdığına görə, ABŞ-ın İraqa satdığı F-16 qırıcıları bu ilin payızında rəsmi Bağdada təhvil veriləcək. Amma dəqiq vaxt açıqlanmır.

Qeyd edək ki, İran “Əbabil” adlı pilotsuz təyyarəsini kəşfiyyat üçün İraqa göndərmişdi.

/ans press/


Müəllif: