Ukrayna ordusu 1000 terrorçunu məhv edib

Ukraynada antiterror əməliyyatlarının başlandığı aprel ayından indiyə kimi 1000-ə qədər terrorçu məhv edilib.

Bu barədə anti-terror mərkəzinin mətbuat xidmətinin rəhbəri Vladislav Seleznyov “facebook” səhifəsində bildirib.

“Bu gün terrorçular ciddi itki verib. Hərbi aviasiya terroçuların iki minaatan batareyasını, həmçinin iki tank, üç BTR, xeyli sayda avtomobil və döyüş sursatını məhv edib”, - Seleznyov yazıb.

O, Qolmovski rayonunda terrorçuların hərbi düşərgəsinin, Perevalsk şəhəri yaxınlığında isə iki tank, 10 zirehli maşın, 15 avtomobilin məhv edildiyini qeyd edib. Anti-terror mərkəzinin mətbuat xidmətinin rəhbəri son bir gün ərzində təxminən 500 terrorçunun öldürüldüyünü bildirib.

Onun sözlərinə görə, İzvarino ərazisində terrorçuların dayaq məntəqəsi aşkar edilərək sıradan çıxarılıb. V.Seleznyov gün ərzində Ukrayna ordusunun 16 hərbi təyyarəsinin antiterror əməliyyatlarda iştirak etdiyini qeyd edib.

/publika.az/