11 Avqust 10:00
719

Türkiyə Prezidenti Rəcəb Tayyib Ərdoğan 16-cı Dünya Atletika Çempionatının qalibi, Türkiyəni təmsil edən azərbaycanlı Ramil Quliyevə təbrik teleqramı göndərib.

Teleqraf.com Türkiyə prezidentinin mətbuat mərkəzinə istinadla xəbər verir ki, Ərdoğan kişilər arasında 200 metr məsafəyə qaçışda bütün rəqiblərini geridə qoyaraq qızıl medal qazanan Ramil Quliyevə göndərdiyi teleqramda təbriklərini çatdırıb.

Londonda keçirilən yarışda Ramil Quliyev 200 metr məsafəni rəqiblərindən tez qət edərək finişə 20.09 saniyəyə çatıb.


Müəllif: Nərgiz