1 Avqust 2014 15:50
899
12 Punto 14 Punto 16 Punto 18 Punto

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Sosial Təminat Xidmətinin tabeliyindəki İnsan Alveri Qurbanlarına Yardım Mərkəzi cari ilin ilk yarısında DİN-in İnsan Alverinə Qarşı Mübarizə İdarəsi tərəfindən istiqamətləndirilmiş 21 nəfər insan alveri qurbanını və müxtəlif QHT-lər tərəfindən yönləndirilən, insan alverinin qurbanına çevrilmək təhlükəsi olan 20 nəfəri müvafiq yardımlarla təmin edib.


Nazirliyin İctimaiyyətlə əlaqələr şöbəsindən verilən məlumata görə, onlardan 20 nəfərə hüquqi, 6 nəfərə psixoloji, 3 nəfərə tibbi, 3 nəfərə maddi yardımın göstərilməsi təşkil edilib.

Həmçinin 8 nəfərin ailələrinə ünvanlı dövlət sosial yardımının təyin olunması hüququna baxılması üçün müvafiq rayon ƏSMM-ə, 4 nəfərin məşğulluğunun təmin olunması, 1 nəfərin peşə hazırlığı kursuna cəlb edilməsi üçün ƏƏSMN yanında Dövlət Məşğulluq Xidmətinə müraciət edilib. 2 nəfərin sosial xidmət müəssisəsinə, 1 nəfərin övladının körpələr evi-uşaq bağçasına yerləşdirilməsi, 1 nəfər zərərçəkmişin övladının əlil arabası ilə təmin olunması, daha 1 nəfər zərərçəkmişin hüquqlarının təmin edilməsi üçün aidiyyəti işlər aparılıb.

Qeyd olunan zərərçəkmişlərin bir qismi eyni vaxtda bir neçə yardım növü ilə təmin edilib. Ehtiyac olduğu hallarda ayrı-ayrı zərəçəkmişlər Gəncədə yerləşən İnsan alveri və potensial insan alveri qurbanlarının Regional Reabilitasiya-Reinteqrasiya Mərkəzində yeləşdirilib. Mərkəz tərəfindən insan alveri haqqında və insan alveri qurbanları ilə davranış qaydaları ilə bağlı ictimai məlumatlılığın artırılması üçün müxtəlif formalarda maarifləndirmə işləri də görülüb.

/publika.az/


Müəllif: