8 Dekabr 13:19
1 040

ABŞ Prezidenti Donald Trampın Qüds qərarından sonra İsrail hökuməti yeni addımlar atmağa başlayıb.

Teleqraf.com xarici mediaya istinadla xəbər verir ki, ilk olaraq İordan çayının qərb sahillərində hərbi varlığını artıran Tel-Əviv indi də Qüdsdə yeni yaşayış məntəqələrinin salınması ilə bağlı qərar qəbul edib.

Qərara əsasən, Qüdsdə 14 min evlik yeni yaşayış yerləri salınacaq və burada yəhudilər məskunlaşacaq. Həmin evlərdən 6 mini müsəlmanların yaşadığı bölgədə inşa olunacaq.

Dünyanın Trampın Qüds qərarına qarşı sərt reaksiyalar göstərdiyi vaxtda İsrailin belə bir qərar qəbul etməsi Fələstin tərəfindən narahatlıqla qarşılanıb.


Müəllif: Samir