4 Avqust 2014 10:19
1 716
12 Punto 14 Punto 16 Punto 18 Punto

Ermənilərin basqını zamanı Azərbaycan Ordusunun yaralanmış əsgəri şəhid olub.

Teleqraf.com bildirir ki, Müdafiə Nazirliyinin mətbuat xidmətindən verilən məlumata görə, düşmən gülləsindən yara alan əsgərimiz vəfat edib: "Kədər hissi ilə bildiririk ki, həkimlərin səylərinə baxmayaraq düşmənin kəşfiyyat-təxribat qrupunun müdafiənin ön xəttində yerləşən mövqelərimizdəki postlara basqını cəhdinin qarşısını alarkən ağır yaralanmış əsgər Qarazadə Anar Vidadi oğlunun həyatını təəssüf ki, xilas etmək mümkün olmayıb".

Müdafiə naziri general-polkovnik Zakir Həsənovun əmri ilə əsgər Qarazadə Anar Vidadi oğlu ölümündən sonra "Hərbi xidmətdə fərqlənməyə görə" 3-cü dərəcəli medalı ilə təltif edilib.

Müdafiə naziri şəhidin ailəsinə və yaxınlarına dərin hüznlə başsağlığı verir və səbr diləyir!


Müəllif: