Türkiyə Suriya ilə sərhəddə möhkəmlənir - HAVK-lar

Türkiyə Suriya ilə sərhədi boyunca təklükəsizlik tədbirlərini gücləndirib, xeyli sayda I-HAWK raket hücumundan müdafiə sistemi yerləşdirilib.

Teleqraf.com xəbər verir ki, artıq Hatayın Suriya ilə sərhədində yerləşən Kirikhan və Yayladağ ərazisində I-HAWK raket hücumundan müdafiə sistemləri qurulub.

Türkiyənin YPG-yə qarşı addımlara, eləcə də Afrin əməliyyatna hazırlıq çərçivəsində I-HAWK sistemləri xüsusi əhəmiyyət kəsb edir.

ABŞ silahlı qüvvələrinin arsenalına 2002-ci ildə daxil olan I-HAWK sistemini almaq məqsədilə Türkiyə 2005-ci ildə danışıqlara başlayıb. 2007-ci ildə Türkiyəyə 175 ədəd MİM-23B I-HAWK sistemi gətirilib. Hazırda bu sistemlər Türkiyədə iki hərbi bazada yerləşdirilib.

Qeyd edilir ki, I-HAWK sistemi ilk dəfə 2012-ci ildə Türk Hava Qüvvələrinə aid olan pilotsuz RF-4 təyyarəsi Suriya hava müdafiə sistemləri tərəfindən vurulduqdan sonra Suriya ilə sərhəddə gətirilib.

I-HAWK raket əleyhinə müdafiə sistemləri alçaq və orta səviyyədə uçan təyyarə və helikopter hücumlarına qarşı istifadə edilir.