Suriyada Bəşər Əsədin göstərişilə İdlibə getmələri üçün dəhliz verilən İŞİD yaraqlıları müxalif qüvvələr tərəfindən öldürülüb.
Teleqraf.com xəbər verir ki, 12 müxalif qrup dəhlizlə gedən İŞİD-çiləri mühasirəyə alıb. Atışma zamanı 100-dən çox İŞİD-çi öldürülüb, 400 nəfər əsir götürülüb.
Silahlı müxalifətin nümayəndəsi Naci Ebu Huzeyfə bildirib ki, Bəşər Əsəd İŞİD üzvlərini müxaliflərin nəzarətindəki bölgələrə göndərməklə onların gücünü zəiflətmək istəyir: "İŞİD-ə qarşı keçirdiyimiz əməliyyat zamanı 400 terrorçunu girov götürdük. Bölgədə İŞİD-in sıraları seyrəlməkdədir. Bəşər Əsəd bizim İŞİD üzərindəki qələbəmizdən məmnun deyil".