14 Aprel 21:10

ABŞ və tərəfdarlarının Suriyanı bombalaması ölkədəki vəziyyətə o qədər də təsir etməyəcək. Rusiyanın bu məsələyə cavabı isə heç bir effekt verməyəcək.

Teleqraf.com-un məlumatına görə, bu sözləri “Valday” beynəlxalq müzakirə klubunun direktoru Fyodor Lukyanov deyib.

O bildirib ki, Rusiya və ABŞ arasında Suriyada toqquşmalar inandırıcı deyil:

“Əlbəttə, bu, Moskvanın hadisələri necə dəyərləndirməsindən asılıdır. Fikrimcə, birbaşa toqquşmalar olmayacaq”.

Ekspertin sözlərinə görə, ABŞ qarşısına müharibə məqsədi qoymayıb:

“Vəziyyətin nəzarətdən çıxmaması üçün hədəflər diqqətlə seçilib. Əgər hər hansı rus obyektinə zərər dəysə, vəziyyət pisləşə bilər. ABŞ-ın əsas məqsədi gücünü göstərməkdir”.

Lukyanov deyib ki, Böyük Britaniya və Fransanın əməliyyatlarda iştirakı Donald Tramp üçün bonus rolu oynayıb.


Müəllif: Samir
Загрузка...