Merkel: “Münaqişənin həlli üçün məsuliyyət daşıyırıq”

Berlində səfərdə olan Ermənistan prezidenti Serj Sarkisyan Almaniya kansleri Angela Merkel və xarici işlər naziri Frank Valter Ştaynmayerlə görüşüb.

Teleqraf.com “RİA Novosti” agentliyinə istinadən xəbər verir ki, görüşdən sonra keçirilən brifinqdə A. Merkel qeyd edib ki, ATƏT-ə sədrlik edən dövlət kimi Almaniya Dağlıq Qarabağ münaqişəsinin tezliklə həlli və danışıqların bərpasına görə məsuliyyət daşıyır.

Ştaynmayer isə danışıqlar prosesinin bərpası və qoşunların təmas xəttində monitorinqin aparılmasının vacibliyini önə çəkib.