Filarmoniyada bomba həyəcanı

Qırğızıstanın paytaxtı Bişkekdə əldəqayırma partlayıcı qurğu aşkar edilib.

Teleqraf.com xarici mediaya istinadla xəbər verir ki, bununla bağlı Qırğızıstan Dövlət Milli Təhlükəsizlik Komitəsi məlumat yayıb.

Bildirilib ki, qurğu Filarmoniyanın binasının qarşısında tapılıb.

Dərhal hadisə yerinə komitənin və Daxili İşlər Nazirliyinin əməkdaşları cəlb edilib: "Minaaxtaranlar bombanı zərərsizləşdiriblər. Hazırda hadisə ilə bağlı araşdırmalara başlanıb".