İran kəşfiyyatı azərbaycanlı qızı saxladı

Azərbaycanlı fəal Səfiyyə Qarabağlı İran Kəşfiyyat Nazirliyinin əməkdaşları tərəfindən Zəncanda saxlanılıb.

Teleqraf.com xarici mediaya istinadla xəbər verir ki, azərbaycanlı xanım iyulun 17-də evdən çıxarkən saxlanılaraq naməlum istiqamətə aparılıb.

Bu barədə Səfiyyənin həyat yoldaşı Ruzbeh Səadəti öz Facebook səhifəsində məlumat yayıb. O bildirib ki, yaxalandıqdan bir neçə saat sonra 3 məmur Səfiyyə ilə birlikdə evə gəldilər. Onlar evdə axtarış aparıb, kompüter, kitab, dəftər və bir neçə şəxsi əşyanı götürüb özləri ilə aparıblar:

“Biz bir-birimizlə bir neçə kəlmə danışa bildik. Səfiyyə sistemin əleyhinə təbliğ və cəmiyyətdə əsassız təşviş yaratmaqda ittiham olunduğunu bildirdi. Bundan başqa onun vəziyyəti ilə bağlı heç bir məlumatım yoxdur”.