İsmayıllıda traktor yandı

İsmayıllıda yanğın hadisəsi qeydə alınıb.

Teleqraf.com-un FHN-nin saytına istinadən verdiyi xəbərə görə, yanğın rayonun Qəzli kəndində bələdiyyəyə məxsus ərazidə baş verib. Nəticədə 300 m2 sahədə biçilmiş taxıl sahəsi, vətəndaşa məxsus “Belarus” markalı traktorun arxa təkərləri, traktora qoşulmuş qoşqunun yanar hissələri və qoşquya yığılmış 1.2 ton ot bağlaması yanıb.

Traktorun qalan hissəsi və əkin sahələri yanğından mühafizə olunub. Yanğın saat 17:30-da yanğınsöndürənlər tərəfindən söndürülüb.