Şəriətı təbliğ edən qadın aparıcı belə yaxalandı - Foto

İranlı teleaparıcı Azade Nəmdari İsveçrədə istirahət zamanı məşq geyimində və əlində pivə şüşəsi ilə görüntülənib.

N-xeber.com xəbər verir ki, Nəmdari ölkəsində Şəriət qanunlarının qatı tərəfdarı kimi tanınır.

O, daim hicabda gəzir və müsahibələrində ənənəvi İslam dəyərlərinin əhəmiyyətindən danışır.

Qadın aparıcı çıxışlarında dəfələrlə vurğulayıb ki, yalnız çadra geymiş qadın özünü təhlükəsizlikdə hiss edə və kişilərin hörmətinə layiq görülə bilər.

Fotoşəkillərin dərcindən sonra Azadeni riyakarlıqda ittiham ediblər. O, cavabında bildirib ki, istirahətdə yalnız çox yaxın insanların əhatəsində olub və bu zaman dress-koda riayət etmək vacib sayılmır. Hicab isə, sadəcə olaraq, çiynindən sürüşüb düşübmüş. O ki qaldı pivə şüşəsinə, aparıcı qadın bu barədə açıqlama verməməyi üstün tutub.