Rəşad Sadıqov qəza törətdi

“Qarabağ”ın kapitanı Rəşad Sadıqov avtomobili ilə qəza törədib.

Hadisə bu gün baş verib.

Belə ki, Ağdam klubunun U-19 komandasına da rəhbərlik edən Sadıqov, “Neftçi” ilə oyundan qayıdarkən qəza törədib. O, idarəetməni itirərək yolun kənarındakı maneə dirəyinə çırpılıb. Qəza zamanı təcrübəli müdafiəçinin “Range Rover” markalı maşını əzilsə də, xoşbəxtlikdən özünə bir şey olmayıb.

Hazırda onun vəziyyətinin yaxşı olduğu bildirilir.

Məlumatı Ağdam klubundan da təsdiqləyiblər./Yeniçağ/