Qafqazda tutulan rus generala hökm oxundu – 10 il

Znamenski qarnizon hərbi məhkəməsi Rusiya Federal Mühafizə Xidmətinin Şimali Qafqaz Federal Dairəsi üzrə keçmiş rəhbəri Gennadi Lopırevin 10 il müddətinə həbsinə və 150 milyon rubl cərimələnməsinə qərar verib.

Axar.az xəbər verir ki, bu barədə generalın vəkili Ruslan Zakalyujnıy danışıb.

Vəkilin sözlərinə görə, Gennadi Lopırev rüşvətxorluqda təqsirkar hesab olunub. Məhkəmə Lopırevi general-leytenant hərbi rütbəsi və dövlət mükafatlarından məhrum etməkdən imtina edib. Generalın müdafiəsi qərardan etiraz edəcəyini açıqlayıb.

Qeyd edək ki, general Lopırev Federal Mühafizə Xidmətinin Qafqazdakı bölmələrində aparılan daxili yoxlamaya görə tutulub. Yoxlamalar zamanı ciddi qanun pozuntuları aşkarlanıb.