Türk təyyarəsini ildırım vurdu – İstanbulda olay

Türk Hava Yollarına məxsus Boeing 737-800 markalı təyyarə İstanbul Atatürk Hava Limanında göyə qalxdıqdan az sonra ildırım vurması səbəbindən təcili eniş edib.

Teleqraf.com xəbər verir ki, təyyarə Somalinin paytaxtı Moqadişiyə uçurmuş.

Təyyarədə 134 sərnişin olub.

Pilot təyyarəni ildırımlı havada 2 saat Mərmərə üzərində sürdükdən sonra yenidən Atatürk hava limanına endirmək üçün icazə istəyib.

Türk Hava Yollarının mütəxəssisləri təyyarəni texniki baxışdan keçirdikdən sonra Boeing 737 bu gün səhər saat 06:00-da havaya qalxaraq Somaliyə uçub.