7 Dekabr 10:28
413

Rusiyanın Samara vilayətində güllə yarasından ölmüş Azərbaycan diaspor təşkilatı rəhbəri Şirvan Kərimovun oğlunun meyiti Bakıya gətirilib.

Teleqraf.com xəbər verir ki, bu barədə mərhumun yaxınları Report-a məlumata verib.

Məlumata görə, meyit dekabrın 5-də avtomobillə Samaradan Azərbaycana yola salınıb və dekabrın 7-də səhər saatlarında Bakıya çatıb.

Aqşin Kərimovun yas mərasimi Əhmədli qəsəbəsində keçiriləcək. Mərhum Günəşli qəbiristanlığında babasının yanında dəfn olunacaq.

Qeyd edək ki, 15 yaşlı A.Kərimov 9-cu sinifdə oxuyurmuş. O, dekabr ayının 5-də evdə olarkən odlu silahdan özünə atəş açıb, başından güllə yarası alan yeniyetmə hadisə yerində keçinib. Hadisənin ehtiyatsızlıq nəticəsində baş verdiyi ehtimal edilir.


Müəllif: Teleqraf.com