Türkiyə daha bir şəhid verdi

Türkiyə Suriyanın Afrin bölgəsində keçirdiyi “Zeytun budağı” əməliyyatı çərçivəsində daha bir şəhid verib.

Teleqraf.com xarici mediaya istinadla xəbər verir ki, bu məlumatı Türkiyənin Xarici İşlər naziri Mövlud Çavuşoğlu Tvitter hesabında paylaşıb:

“Həmyerlim zabit Oğuz Kağan Usta şəhid oldu. Şəhidlərimizin qanı yerdə qalmaaycaq. Terrorun kökünü kəsənə qədər mübarizəmizi davam etdirəcəyik”.

Qeyd edək ki, Türkiyə ilk şəhidini dünən vermişdi. Şəhid baş çavuşu Musa Özalkan bu gün doğulduğu Ankaranın Sincan rayonunda torpağa tapşırılıb.