22 Mart 2018 17:12
661
12 Punto 14 Punto 16 Punto 18 Punto

Psixotrop tərkibli dərmanlar və narkotik vasitələr aşkarlanıb.

DGK-dan Teleraf.com-a verilən məlumata görə, Tovuz Gömrük İdarəsinin “Sınıq-Körpü” gömrük postunda Türkiyədən Azərbaycana gələn, Türkiyə Respublikasının vətəndaşı Yücel Güngördü Ali oğlunun idarə etdiyi “Mersedes Benz Travego” markalı, 37LJ257 nömrə nişanlı sərnişin avtobusunda içərisində suvenir şam şəklində predmetlər olan bir ədəd çantaya piyada idxal xəttində quraşdırılmış “HEİMAN X-ray” markalı rentgen qurğusunda baxış keçirilib. Baxış zamanı predmetin içərisində dərman preparatları olduğu müəyyən edilib.

Çantaya təkrar baxış zamanı suvenir şam şəklində olan əşyaların içərisində 2510 ədəd kapsul şəklində, üzərində “Lyrica 300 mg” yazısı olan psixotrop tərkibli dərman preparatları və 2 ədəd kiçik ölçülü şəffaf rəngdə sellofan bağlamada ümumi çəkisi 169 qram olan, kristal şəklində narkotik vasitə aşkarlanıb.

Faktla bağlı araşdırma aparılır.


Müəllif: Teleqraf.com